Холливүүдийн од Брюс Уиллис ярих чадваргүй болсны улмаас урлагийн замналаа өндөрлүүлэх боллоо.

Холливүүдийн од Брюс Уиллис тархины ө в ч н и й улмаас бусадтай харилцах чадваргүй болсон тул урлагийн замналаа өндөрлүүлж байгааг гэр бүлийнхэн нь өчигдөр мэдээллэж дэлхий дахинд байх түүний үзэгчид сэтгэл дундуур байгаа юм.

“Эрүүл мэндийн зарим асуудалтай байсан Брюст саяхан афази ө в ч н и й онош тогтоогдсон байна. Энэ нь түүний сэтгэн бодох чадварт нөлөөлж байгаа.

Үүний улмаас тэр урлагийн замналаа орхихоос өөр аргагүй боллоо” гэж гэр бүлийнхэн нь Инстаграм сүлжээгээр мэдэгджээ. Мэдэгдлийг түүний одоогийн эхнэр Эмма Хеминг Уиллис, экс эхнэр Деми Мүүр, хүүхдүүд нь болох Румер, Скаут, Таллула, Мабел, Эвелин нар хамтран гаргасан байна.

“Энэ үе бол манай гэр бүлийн хувьд хүнд хэцүү цаг бөгөөд та бүхний үзүүлж буй хайр хүндлэл, дэмжлэгт маш их талархаж байна” гэж уг мэдэгдэлд өгүүлжээ.

Анагаах ухааны эх сурвалжуудын мэдээлснээр тархинд цyc харвасан тохиолдолд, эсвэл толгойн гэмтлээс үүдэлтэйгээр афази өвчин илэрдэг байна.

Ингэснээр тухайн өвчтөн ярих, ойлгох чадвараа алдаж, бусадтай амаар болон бичгээр харилцах боломжгүй болдог гэнэ.

Leave a Reply

Your email address will not be published. Required fields are marked *