С.Жавхлан: Хүний амь модноос үнэгүй болсон юм уу, хүний амь шоунаас илүү үнэгүй болсон юм уу?

УИХ-ын гишүүн асан, дуучин С.Жавхлан өнөөдөр /2021.10.15/ Сүхбаатарын талбайд суулт хийж эхэллээ. Тэрээр, “УИХ, Засгийн газрыг огцортол суултаа үргэлжлүүлнэ. Монголд сайн цаг ирнэ” гэж мэдэгдлээ.

УИХ-ын гишүүн асан С.Жавхлан “Засгийн газрыг огцopтол нь сууна. Эндээс хөдлөхгүй. Хэдэн сар жил болсон ч хамаагүй. Би хэлсэн үгэндээ хүрдэг. Монголчууд үндсэн хуулиа барьж ажиллах ёстой. Тиймээс эрхэм Ерөнхийлөгч та ажлаа хийж, чиг үүргийн дагуу Засгийн газар, УИХ-ыг тараана уу гэдэг шаардлага тавьж байна. Ерөнхий сайдыг хүрч ирэхийг урьж байна. Асуух олон асуулт байна. Монголд үнэн зүйл байхаа больсон.

Монгол Улсын Ерөнхийлөгч хариуцлагаас зугтаж мод тарьж байна. Мод тарих биш, монголоо авар л даа. Өвчин зoвлoнтой энэ үед гол усаар хүн дагуулж зунжингаа найрлалаа. НҮБ-ын хурал дээр очоод худлаа яриад явж байна. Монголд үнэн алга. Тиймээс огцрохыг хүсэж байна. Эх орноо хайрлах, мэргэжилтэй, сэтгэлтэй, чадвартай мянга мянган залуус бий.

Өнөөдрийн суулт нөхөн coнгyyльтай ямар ч холбоогүй. Нөхөн сонгуулиар дахиад хоёр мал нэмээд хэрэггүй. Өчигдөр Замын-Үүдийн гаалийг хаалаа гэсэн. Бидний муулдаг БНХАУ тавхан хүн өвдөхөд тусгаарлаж, ариутгаж байна.

Бид ариутгасан уу. Дэлхийн улс орнууд энгийн амьдрал руу шилжсэн байна. Гэтэл дэлхий даяараа үxэж байна гэж иргэдийгээ хаяж байгаа. Хүний амь модноос үнэгүй болсон юм уу, хүний амь шоунаас илүү үнэгүй болсон юм уу?

Эх орондоо хайртай бүх залуучуудыг талбай дээр гарч ирэхийг уриалж байна. С.Жавхлан эндээс хөдлөхгүй. Иргэдээсээ уучлалт гуйж, албан тушаалаасаа буух хүртэл нь энд сууна” гэж мэдээллээ.

Leave a Reply

Your email address will not be published. Required fields are marked *