Ким Жон Ун, Энтони Блинкэн нар Монголчуудад баяр хүргэв. Тэд хэлэхдээ…

АНУ-ын Төрийн нарийн бичгийн дарга Энтони Блинкен Монголын ард түмэнд Үндэсний их баяр наадмын мэндчилгээ дэвшүүлсэн байна. Энтони Блинкен хэлэхдээ “АНУ-ын нэрийн өмнөөс Монголын ард түмэнд тусгаар тогтнолоо олж авсны 100 жилийн ой, 2021 оны баяр наадмын мэндчилгээ дэвшүүлж байна.

Стратегийн түнш, гуравдагч хөршийн хувиар манай хоёр улс хүний ​​эрх, хууль ёсыг дээдэлсэн, ардчиллын нийтлэг үнэт зүйлсээр холбогдсон бат бөх түншлэлийн харилцаагаа хадгалсаар байгаа билээ. Энэ жилийн хувьд цар тахал дэгдсэн хэдий ч АНУ-ын ард түмэн Монголын ард түмэнтэй хамт танай улсын тусгаар тогтнол, бүрэн эрхт байдал, уламжлалт соёлыг дэмжсээр байх болно” гэж захидалдаа бичсэн байна.

Хойд Солонгосын удирдагч Ким Жон Ун Монгол Улсын Ерөнхийлөгч У.Хүрэлсүхэд баярын захидал илгээжээ. Уг захидалд, “БНАСАУ-ын Засгийн газар, ард түмний нэрийн өмнөөс та болон танай улсын Засгийн газар, ард түмэнд ардын xyвьсгал ялсны 100 жилийн ойн халуун баяр хүргэе.

Манай хоёр улсын эртний уламжлалт найрамдалт харилцаа, хамтын ажиллагаа улам бүр бэхжиж, хөгжинө гэдэгт би итгэлтэй байна. Энэ боломжийг ашиглан та болон танай ард түмэнд улс орныхоо сайн сайхны төлөө хийж буй ажилд нь чин сэтгэлээсээ амжилт хүсье” гэжээ.

НӨАТ-ын сугалааны ээлжит тохирол маргааш /2021.07.18/ болно. Энэ удаагийн супер азтан 20 сая төгрөгийн эзэн болох юм. Татварын ерөнхий газрын мэдээлснээр иргэд зургадугаар сарын 1-31 хүртэл худалдан авалт хийсэн төлбөрийн баримтаа өнөөдөр 23:59 цагаас өмнө Е-barimt.mn сайтад бүртгүүлнэ. Ингэснээр НӨАТ-ын урамшууллын сугалаанд хамрагдаж азтан болох боломжтой.

Сугалааны тохирлын нэвтрүүлэг маргааш Ням гарагт Боловсрол телевизээр орон даяар шууд дамжуулах юм. Өмнө нь НӨАТ-ын урамшууллын зургадугаар сарын сугалааны тохирлоор супер шагналын эзэн тодроогүй. Гэхдээ 1.5 сая төгрөгийн 25 азтан тодорсон билээ.

Leave a Reply

Your email address will not be published. Required fields are marked *