УБ-ДАРХАН чиглэлийн шинэ замын 113 км нь бэлэн боллоо.

Тус замаар хоногт дунджаар 5802 тээврийн хэрэгсэл, оргил ачааллын үе буюу баяр наадмын өдрүүдэд хоногт дунджаар 12389 тээврийн хэрэгсэл зорчдог. Замын нэвтрүүлэх чадварыг нэмэгдүүлэх, хөдөлгөөний аюулгүй байдлыг хангахын тулд тус замыг 4 эгнээтэй болгох ажил эхэлсэн.

Дархан-Улаанбаатар чиглэлийн 204 км замын өргөтгөл шинэчлэлийн ажлын явцтай ЗТХ-ийн сайд Л.Халтар болон бусад албаныхан танилцаж байна.

Зам барилгын ажил Азийн хөгжлийн банк, Европын сэргээн босголт хөгжлийн банкны зээлийн санхүүжилтээр баригдаж буй юм.

Төслийн ажил эхлээд хоёр жилийн хугацаа болж байгаа ба хэд хэдэн багц дээр ердөө 20-хон хүн ажиллаж байгаа талаар албаны хүн мэдээллээ. Өмнө нь гүйцэтгэгчээр ажиллаж байсан БНХАУ-ын компани гэрээгээ цуцалсан нь ажлыг хойшлуулах нэг шалтгаан болсон ба шинэ гүйцэтгэгчийг шалгаруулна гэлээ.

113 км нь асфальтан хучилттай болсон ба нэг багц 45 км зам дээр 300 гаруй тэмдэг тавих шаардлагатай байгаа, үлдсэн материалаа цар тахлын улмаас оруулж ирж чадахгүй байгаа аж.

Уг нь энэхүү зам дээр 80 км/цагийн хурдтай явах боломжтой ч дэргэд нь замын ажил үргэлжилж байгаа учир 50км, 30 км цагийн хурдыг зөвшөөрөх тэмдэглэгээг тавьж байна гэлээ.

Замын ажлын орчим тоос шороо ихтэй учир ойролцоо амьдарч байгаа иргэдийн хувьд нөхцөл байдал хүнд байгаа талаар гомдоллоо. Харин албаныхан өдөрт гурван удаа усалдаг ч цаашид усалгааг дахин нэмэхээр төлөвлөж байгаа гэсэн юм.

Leave a Reply

Your email address will not be published. Required fields are marked *