“КОВИД-19”-ийн ойрын хавьтал болсон эсэхээ эрт мэдэх боломжтой боллоо. Тодруулбал…

“КОВИД-19”-ийн ойрын хавьтал болсон эсэхээ эрт мэдэх боломжтой боллоо. Тодруулбал, УОК “Apple” болон “Google” компанитай хамтран хавьтлын эрсдэлийг эрт мэдээлэх “COVID-19 ERSDEL” системийг Монгол Улсад ашиглах боломжийг бүрдүүллээ. Энэхүү системийг ирэх Даваа гаригаас эхлэн Монголчууд ашиглах эхлэх боломжтой юм байна.

Хэрвээ та халдвартай хүнтэй хоёр метрийн зайд ойр байсан бол таны гар утсанд суусан “COVID-19 ERSDEL” системд халдвар авсан байж болзошгүй талаар мэдэгдэл ирнэ. Энэ үед та гэртээ өөрийгөө тусгаарлан, биеийн байдлаа ажиглаж, өөрт ойр байх шинжилгээний цэгт очиж, шинжилгээ өгөөрэй.

Одоогоор тус системийг дэлхийн 30 гаруй улсын 130 сая хүн ашиглаж байна.

“COVID-19 ERSDEL” систем нь таны байршил, хувь хүний мэдээллийг боловсруулахгүй, цуглуулахгүй, хадгалахгүй, дамжуулахгүй. Өөрөөр хэлбэл таны хэн болох, хэнтэй уулзсан, хаагуур явсан зэрэг хувийн мэдээлэл Apple болон Google компани ч мэдэх боломжгүй юм.

“COVID-19 ERSDEL” системийг ашиглахын тулд та

IPhone утас хэрэглэдэг бол үйлдлийн систем нь 12.5, 13.7 хувилбар эсхүл түүнээс хойших хувилбарууд дээр “Settings” цэсээс тохиргоо хийх боломжтой.

Android үйлдлийн системтэй утастай бол PlayStore-оос “COVID19 ERSDEL” аппликейшныг татаж авснаар ашиглах боломжтой.

Энэхүү системийг ашиглахын тулд та утасныхаа BLUETHOOT-ийг идэвхжүүлэх, шаардлагатай бөгөөд таны утас хэдэн минут тутамд өөрчлөгддөг, санамсаргүй тоон дарааллыг үүсгэж, өөр хүний утастай тодорхой зайд ойртох үед утаснууд өөр хоорондоо санамсаргүй тоон дарааллаа солилцоно.

Таны хувийн мэдээлэл тэрхүү тоон дарааллаар хамгаалагдсан байх тул ямар ч асуудалгүй.

Leave a Reply

Your email address will not be published. Required fields are marked *